Stu grecu di Sicilia va gridannu
tra ulivi saracini a li vaneddi ,
la notti lassa e nun trova lu suli
non sciuscia favurevuli lu ventu,
iancu la mula mastica silenzi
pi cogghiu li ghiommari di scuru,
cu mantici di ventu a li tre mari
martiddiando pinseri ‘nfucati
va lu misteru chi ‘nti matri abbunna

Stu grecu di Sicilia va gridannu
ca tremano di friddu li cullini,
ruta di suli annaca lentamente,
piriculusu è sempri lu misteri,
-nun cc’è chi fari?- cc’è chi fari, e ‘ranni-

Stu grecu di Sicilia va gridannu
a muddichi di suli – è notti funna…